ذكاء فأر

 صباح الفل يا جماعة.. ما تتخضوش من اللي حقوله 😂.. والله حصل بجد أنا عن نفسي مستغربة.. أنا عندي بلكونة صغيرة اوي، ومرة حطيت غلة قمح للطيور، بس لقيت ذبل شكله غريب بحثت عالنت لقيته ذبل فئران، كنت حتجن والله، عاملين عالسور، قلت خلاص بلاها في البلكونة ححط في الشارع تحت الاشجار، في رمضان بناكل بلح كتير، أخدت كم نأى بلح وسبتهم في البلكونة على أساس حزرعهم في اصيص وأشوف النتيجة سواء فاشلة أو ناجحة، في نفس الوقت قريت أن الفئران بتطفش من ريحة النعناع ومن البصل، قمت حطيت كم حزمة نعناع وبصل اخضر جوة البلكونة، وحطيت حزمتين عالسور، من ٣ ايام، لقيت حركة بالليل قمت الصبح لقيت حزمة منهم جوة البلكونة، ببص لقيت ذبل فار عالسور، ولقيت نأى بلحة عالسور، قولت ايه ده ايه اللي طلعها عالسور!!.. بعدها بيوم لقيت الحزمة التانية جوة البلكونة 😳 قولت تمام عرفت الشطارة دي منين، طب يعني الفأر ممكن كان يرميها في الشارع، لا ده ما شاء الله مدخلهالي جوة البلكونة، ببص بقى على نأى البلح ييجي عددهم سبعة مالقتهمش!! طب هو الفأر حيعمل بيهم ايه!! كنت قريت من فترة أن الفئران هي السبب في تكاثر الكثير من الاشجار، لان بتاخد الثمار وتخبيها في الجحور تحت الارض، وبعدها لسبب ما ما بترجعش المكان تاني، وبالتالي البذور بتنمو وتطرح شجرة جديدة.

- حد حصل معاه موقف كدة؟